Bitoriano Gandiaga

Edizio kritikoaren iturriak: L4G

Autorea: Gandiaga, Bitoriano

Iturriaren izena: [Liburuko Gandiaga - 4]

Bilduma: Liburuko Gandiaga (4 tomo), 1980-1986

Argitalpen-datuak: [Karpeta Urdina], Arantzazu, 1980-198, 56. or.

Iturriaren urtea: 1981

Orrialde-kopurua: 56

Testu-kopurua: 71

Dokumentu mota: Daktilografiatua

Sailkapena-1: 3.2. Bilduma

Sailkapena-2: 3.2. Bilduma-G

Kanpo-deskripzioa: I. Bertso-sorten bilduma daktilografiatua (29,7 x 21) - Azala paper soilekoa - Metalezko "zerraila-artxibadorez" lotua. II. Alde bakarretik daude idatzita orriak, bertso-sorta bakoitza orrialde banatan hasita. Bertsoak zeini buruzkoak edo zeini eskainiak diren, haren izena dakarte gehienek titulutzat. Bilduma honek ez du inolako barne-egiturarik; baina orrialdeak zenbakituta daude -itxuraz, autoreak berak zenbakituta-: 56 or. daude seinalatuta (orrialdeen gainaldean), baina tartean badaude -bis eta -tris orrialdeak ere. -Orrialdeen behealdean beste paginazioa zegoen markatuta, baina gero ezabatuta daude zenbaki horiek ia orrialde denetan-.

Edukia: Sortak ez du inolako aurkezpen edo sarrerarik. Esku artean erabiltzeko bilduma zen nonbait. "Liburuko II Gandiaga" (L2G) koadernoko materiala da gehienbat horkoa; horren jatorrizko bildumatzat har daiteke. Dena dela, hemengo hiruzpalau ez dira L2G-ra pasa: "Aitzaki eta maitzaki", "Dionigan apaizgoa", "La gente se da cuenta"; eta beste pare bat, hemen olerki edo bertso autonomoak direnak, L2G-n beste bertsoren batzuei daude lotuta; bitan gertatu da hori. Bestalde, L2G-ko ia dena dago L4G-n.

Gaiak: Arantzazuko Seminarioan idatzi eta bertako lagunarteko ospakizunetan abesturiko edota kanpoko hainbat lagunen ospakizun ezberdinetarako idatzitako bertsoen bilduma da hemengo hau. Gehienak umorez eta piper apurrez idatzitakoak dira. Horrelako "ospakizunen" adibidetzat Gandiagari berari urtebetetze bezperan (1979?) jarri zizkioten bertsoak entzun daitezke GUB kasetean.

Datazioa: 1980an eta 1981ean daude datatuta bertako idatzi guztiak. Koadernoa 1981ean eratuta dago zalantzarik gabe, L2G koadernoaren originala baita nolabait. L2G, berriz, 1981eko abenduan argitaratu zuten.

Lekukotasunak: Gandiaga euskaltzain izendatzeko L. Villasantek, X. Diharcek eta J. M. Lekuonak sinaturiko aurkezpen-orriak, "Etxe-literatura" deitzen du "Liburuko Gandiaga" koadernoetakoa. (Ik. koaderno honetako eta L2G, L3G eta L4G koadernoetako bertsoei buruz dioena "Hamar kanta hautatu ditut" hasten den testuan).

Bestelako oharrak: Sortaren titulua ez da autoreak emana, artxibatzailearena baino. "Karpeta urdina" deitu zuen Gandiagak, ZKA liburugaiko azken atalaren aurkibidean, han jasotako bertsoak zeuden karpeta. Hemengo sorta hori izan zitekeen, dirudienez, "Karpeta urdina". L2G argitaratu aurretik testuetan zuzenketak egiteko erabili zuen nonbait L4G kopia. L@G "trilogia" (I, II eta III) ezagutu eta fitxatu ondoren agertu zen honako bilduma hau artxiboan; horiekin bat egiten duelako L4G kodea eman diogu, nahiz eta L2G-ren aurretikoa izan, horren zirriborro modukoa funtsean, eta haiek bezala koaderno "Pro manuscripto" moduan eratua eta "argitaratua" ez izan.

Edizio kritikoa: Paulo Agirrebaltzategi
Gipuzkoa.net-aren logoa