Bitoriano Gandiaga

Edizio kritikoaren iturriak: DGAZ

Autorea: Gandiaga, Bitoriano

Iturriaren izena: "Denbora galdu alde" [Inprimategirakoa]

Argitalpen-datuak: Daktilografiatua,138 orri

Iturriaren urtea: 1981-1984

Orrialde-kopurua: 138 orri

Testu-kopurua: 79

Dokumentu mota: Daktilografiatua

Sailkapena-1: 1.1.1. Liburu inprimatzekoa

Sailkapena-2: 3.1 Liburugaia-G

Kanpo-deskripzioa: Karpeta urdina da, folio tamainakoa, 138 orri. Denbora galdua alde (DGA) liburuan argitaratuko ziren testu inprimategirakoak daude, orrien alde bakarrean daktilografiatuak. Tartean badaude hiruzpalu fotokopia, Liburuko Gandiaga koadernoetatik hartuak, eta liburuan argitaratzeko zuzenduak. Karpeta ez zegoen orrialdetan zenbakituta, bai, ordea, idazlan bakoitzeko orriak. Geure aldetik orrialde denak zenbakitu ditugu jarraian, errazago aipatu ahal izateko.

Edukia: Oso-osorik ez badago ere argitaraturiko liburuaren materiala, ia osorik dago: liburuan agertu ziren ordena berean.

Gaiak: Gai existentzialak eta autobiografikoak erabili zituen gehienbat liburu honetan.

Datazioa: Denbora galdu alde liburua 1985ean argitaratu zuten. 1981-1983 bitartean idatzitakoak dira horko idatzi datatu gehienak."Egunero dut gogoan" olerkiaren azpian 1970ko data dago idatzita eskuz -idazte-data adierazi nahi ote du?-. Datatutakoen artean badago 1984korik ere. Eta uste izatekoa da, datatu gabekoen artean ere badirela 1984ko testuak. Beraz, eta oro har, DGAZ 1981-1984 bitartean idatzita dago; hain zuzen ere psikiatrarengana joan beharra izan zuen gaixoaldi horretan. 1980koa da Liburuko Gandiaga koadernotik (L2G-tik) hartutakoetako bat: "Deklaratu guratan".

Lekukotasunak: "Ederra ez. Zu ezin zintezke psikiatraren aurrera joan zeuk esan diozuna konpontzera edo argibideak ematera. Bururatu zitzaidan euskaraz ez dela esistitzen gauza espontaneo bat. Jose Azurmendik irakurri zuenean ez zekien ona ala txarra zen, ze ez zuen espero hark nik modu traskil hortan presenta nezakeenik lana (lantzen hasten naizenean akaberagabekoa naiz ni). Sorpresa mikatza Azurmendik eraman zuena, baina nik hura ezin nuen zuzendu, psikiatrarekin esperientzia izan ondoren idatzi nuen, denbora galtzen ikasteko esaten zidan harek. Josek Andu Lertxundiri eman zion lana, eta Anduri gustagarria egin zitzaion edo, agertu egin behar zela aitortu zigun" ("Bitoriano Gandiaga, ama hizkuntzaren seme kezkatia", in: Punto y Hora de Euskal Herria, 1986, 423 zenb., 24. or.).

Bestelako oharrak: Karpetako lehen zatiko idazlanak datatuta daude; bigarren partekoak ez, oro har. Baina argitaratzean datak kendu egin zituzten, baten batek (Joxe Azurmendik?) hala iradokita, lehen orrialdean eskuz idatzita ageri denez.

Edizio kritikoa: Paulo Agirrebaltzategi
Gipuzkoa.net-aren logoa