Edizio kritikoaren iturriak: HGBM
Autorea: Gandiaga, Bitoriano
Iturriaren izena: Hiru gizon bakarka. Markinako testuak
Argitalpen-datuak: Sorta daktilografiatua, 7 orri
Iturriaren urtea: 1969
Orrialde-kopurua: 7 orri
Testu-kopurua: 6
Dokumentu mota: Daktilografiatua
Sailkapena-1: Sorta
Sailkapena-2: 3.2. Bilduma-G
Kanpo-deskripzioa: Zazpi orriko (35 x 24 cm) sorta da, eskolako koaderno azal bati modu oso informalez grapez josia. Koaderno azal horretan honako testua dakar, Gandiagak eskuz idatzia, eta bere izenez sinatua: "Ez olerkari ta ez poeta bezela, bertsolari baiņo. Fr. Victoriano Gandiaga". A. Onaindia Karmel aldizkariaren zuzendariari bidali zizkion nonbait, argitaratzekotan, Gandiagak.
Edukia: 6 olerki daude, gaztelaniazko itzulpen eta guzti; horietako lehenengo biak argitaratu zituen Karmel aldizkariak: 1970ko 1. zenbakian "Emen gaude" (46. or.) eta bigarren zenbakian "Motozerrak, rra, rra" (39. or.).
Gaiak: Euskal Herria eta euskara dira olerkion gai nagusiak.
Datazioa: 1968tik aurrera landu zituen poemen, partez behintzat gero "Hiru gizon bakarka" liburuan bilduko zituenen, kopia eta bertsioen artean lehenetarikoak dira orri hauek, datu-basean AOB-O sortakoak, eta, uste dugunez, 1969an-edo idatzitakoak.
Bestelako oharrak: Seguruenik Oteizarentzat prestatzen zituen honelako kopiak, gaztelaniazko itzulpen eta guzti. Horietakoak dira HGB1E sortakoren batzuk eta HGB3E sortako gehienak. Gero libururako testua prestatzean, gaztelaniazko testua kendu egin zuen, jakina, eta euskarazkoa euskara batura aldatu zuen.
